پاکستانی خلائی ایجنسی سپارکو نے خلاء میں طاقتور سیٹلائٹ لانچ کرنے کا اعلان کردیا

 

پاکستان سیٹلائٹ ٹیکنالوجی میں آگے بڑھنے کو تیار 

پاکستانی خلائی ایجنسی سپارکو نے عوام کو خوشخبری سناتے ہوئے پاکستان کی خلائی موجودگی کو بہتر بنانے کے لیے ریموٹ سینسنگ سیٹلائٹ کو لانچ کرنے کا اعلان کیا۔

پاکستانی اسپیس و خلائی ریسرچ کمیشن (سپارکو) نے فخر کے ساتھ 31 جولائی 2025 کو چین کے زیر چھنگ سیٹلائٹ لانچ سینٹر(ایکس ایس ایل سی) سے پاکستان کے ریموٹ سینسنگ سیٹلائٹ کے آئندہ لانچ کا اعلان کیا ہے۔

یہ سیٹلائٹ پاکستان کے خلائی پروگرام میں ایک اہم سنگ میل کی نشاندہی کرتا ہے، جس سے زمین کے مشاہدے کی صلاحیتوں میں نمایاں اضافہ ہو گا۔ یہ وسیع پیمانے پر قومی ایپلی کیشنز کی حمایت کرے گا،مثال کے طور پر فصل کی پیداوار کو بڑھانے کے لیے درست زراعت، انفراسٹرکچر کی ترقی اور شہری پھیلاؤ کی نگرانی، اور علاقائی منصوبہ بندی کو فعال کرنا۔ یہ گلیشیر کی پگھلنے اور جنگلات کی کٹائی کا سراغ لگاتے ہوئے سیلاب، لینڈ سلائیڈنگ، اور زلزلوں کے لیے بروقت انتباہات فراہم کرکے ڈیزاسٹر مینجمنٹ کی کوششوں کو مضبوط کرے گا۔

اس کے علاوہ، سیٹلائٹ نقل و حمل کے نیٹ ورکس کی نقشہ سازی اور جغرافیائی خطرات کی نشاندہی کرکے چائنا پاکستان اکنامک کوریڈور (سی پیک) جیسے قومی ترقیاتی اقدامات کی حمایت کرے گا۔

مختلف ماحولیاتی حالات میں اس کی ڈیٹا کے حصول کی صلاحیتیں اسے ماحولیاتی نگرانی اور وسائل کے انتظام کے لیے ایک اہم اثاثہ بناتی ہیں۔

اس سے پہلے پاکستان سیٹلائٹ پی آر ایس ایس ون کو جولائی 2018 میں خلا میں بھیج چکا ہے۔

اس کے علاؤہ ای او ون کو جنوری 2025 میں لانچ کیا جا چکا ہے۔

اس ریموٹ سینسنگ سیٹلائٹ کی لانچنگ، پاکستان کے موجودہ ریموٹ سینسنگ بیڑے میں بہترین اضافے کا سبب بنے گی۔اس سیٹلائٹ سے پاکستان کی خلائی ٹیکنالوجی کو مزید بہتر بنانے میں مدد ملے۔ ملک کے خلائی بنیاد پر بنیادی ڈھانچے کو مزید مضبوط کرے گا،